TARÍYXTAĠÍ EŃ DÁSLEPKI SÚWRETKE ALÍNĠAN FILMDI BILESIZ BE ?
Kino rawajlanıw tarıyxındaġı eń qızıqlı tárepi, dáslepki filmdi kinoġa qızıġıwshılıġı bolmaġan adamlar tárepinen súwretke alınġan.
Sebebi olardıń maqseti tek ġana haywanatlar álemin úyreniw bolġan.
Hátteki 1893-jılı “Kinetoskop” dep atalġan texnikanı jaratıw Tomos Edison ushın tek ġana ermek bolġan.
Biraq bunday jaratılıp atırġan texnikalardı kórip, film súwretke alıwdı baslaġan adamlar sanı arta baslaġan.
Film jaratılġan waqıtta ápiwayı háreketlenip atırġan atlar, shólistanlıqlar, oynap atırġan balalar, stanciyaġa kirip kiyatırġan poezdlar sıyaqlı háreketler súwretke alınġan.
Syujetke iye bolġan birinshi film – “Ullı poezd apatshılıġı” 1903-jılı Edison laboratoriyasında payda bolġan. Film pútkil dúnya boylap kópshilikte qızıġıwshılıq oyatqan hám jıldan jılġa kino álemi jedel túrde rawajlana baslaġan.