✔️ «Qaraqalpaqfilm» mámleketlik unitar kárxanası 1970-jılı «Oʼzkinoxronika» kinostudiyasınıń Qaraqalpaqstan filialı bolıp shólkemlestirilgen.
✔️1975-jılı Nókiste hújjetli filmlerdiń respublikalıq festivalı ótkerilip, kinoforumda «Аbdullaev shıńı» filmi «Eń jaqsı hújjetli film» diplomın alıwġa miyassar bolġan.
✔️Qaraqalpaq milliy kinosı Bashqurtstandaġı (1977-jıl),Tatarstandaġı (1981), Daġıstandaġı bolıp ótken(1984-jıl) Qaraqalpaqstan mádeniyat kúnlerinde filmleri menen qatnasıp, “Húrmet jarlıq”lar menen xoshametlengen.
✔️ «Аralqum» hújjetli filmi Maxachqalada ótkerilgen 1988-jılġı III pútkilrossiyalıq tańlawġa qatnasıp, «Eń jaqsı hújjetli film» diplomı menen sıylıqlandı.
✔️ 1990-jılı “Ózbekstan hùjjetli hám ilimiy-kópshilik filmler kinostudiyasınıń Qaraqalpaqstan filialı bazasında “Qaraqalpaqfilm” kinostudiyası dúzildi.
✔️ Kinostudiyanıń birinshi direktorı belgili jazıwshı Jolmurza Аymurzaev. Dáslepki rejissyor Satbay Аldanazarov, kinooperator Naġmet Dawqaraev.
✔️ Sherek ásirden aslam tariyxqa iye bolġan “Qaraqalpaqfilm” kinostudiyası tárepinen usı kúnge shekem, jámi 500 ge jaqın hújjetli, kórkem-publicistikalıq hám multiplikaciyalıq kinofilmler súwretke alınġan.
✔️ “Qaraqalpaqfilm” kinostudiyasına 2024-jıl, 23-iyuldan baslap Ikram Abdikalikov Erejepbaevich direktor lawazımına tayınlandı.