Arnold Shvarseneggerdi pútkil dúnyaġa juldız qılġan “Terminator” filminiń birinshi bólimi Orion Pictures studiyası tárepinen súwretke alınġan.
Bul film kóp jıllardan berli qayta-qayta tamashalawġa usınıs etiletuġın filmler reytinginde orın alıp kelmekte. Tómende “Terminator” filminiń jaratılıwı menen baylanıslı qızıqlı maġlıwmatlar menen bólisemiz.
Hámmesi Jeyms Kameronnıń tús kóriwinen baslanġan
Amerikalı rejissyor Jeyms Kameron qorqınıshlı tús kórgen, oġan metalldan islengen adam kórinisi jalınlı ot ishinen payda bolıp Jeymsqa jaqınlasa baslaġan.
Uyqıdan oyanıp ketken Jeyms dárhal ornınan turıp, Terminatordıń kórinisin qaġazġa sıza baslaġan hám film qılıp shıġarıwġa qarar etken.
Birinshi filmde eki Terminator bolıwı kerek edi
Dáslep Jeyms Kameron jazġan ssenariyde bir waqıttıń ózinde eki Terminator – T-800 hám T-1000 qatnasıwı kerek eken. Rejissyordıń pikirine kóre, eki qarama-qarsılıq ótmishke qaytıwı hámde ótken waqıt aralıġındaġı sayaxat dawamında olardan biri óliwi kerek bolġan. Film aqırında bolsa, tek ġana Kayl Riz tiri qalıwı rejelestirilgen edi.
Arnold Shvarseneggerġa Kayl Riz obrazın oynawına usınıs etpekshi bolġan
Shvarsenegger biz bilgen “Terminator” filmindegi rolin kámine keltirip oynaġan bolsa da, dáslep Arnoldqa Kayl Riz rolin atqarıw usınıs etilgen hám bunday imkanyat aktyordı quwandırġan. Lekin, rejissyor Shvarseneggerdi kórmesten aldın-aq, onnan qutılıwdı qálegen. Sebebi, filmde ele xalıqqa tanılıp úlgermegen aktyor bolıwın qálemegen.
Kúnlerdiń birinde Kameron Shvarseneggerdi júzbe-júz kóredi hámde aktyordıń sırtqı kórinisi rejissyorda qızıġıwshılıq oyatadı hám Arnold Terminator roline sáykes ekenligine kózi jetedi.
Shvarsenegger film ushın bar kúsh-ġayratı menen tayarlıq kórgen
Shvarsenegger qaharmanı oq atıp atırġan kózleri bir márte bolsa da jumılmawı hámde mıltıqtı qayta oqlap atırġanda quralġa qaramastan jumıstı orınlawı ushın bir ay dawamında atısıw poligonına qatnaġan.
Ol hár kúni bir neshe saat dawamında quraldı bólimlerge ajıratıw, qayta oqlaw hám durıs atıw sıyaqlı jawıngerlik ámellerdi orınlawdı jetik meńgergen.