Milliy kino – millet ruwxınıń aynası!
Sh.M.Mirziyoyev
✅Xalqımızġa inam etilgen “Qarabay” komediyalıq filmi premyerası qarsańında Qaraqalpaqstan Respublikası Joqarġı Keńesi baslıġı Amanbay Orınbaev 28-dekabr “Xalıqaralıq kino” kúni hám tarawdaġı pidayı xızmetleri ushın “Qaraqalpaqfilm” MUK direktorı Ikram Abdikalikov hám rejissyor Qudrat Atajanovtı Joqarġı Keńestiń arnawlı “Húrmet jarlıġı” menen xoshametledi.
Sonday-aq, Ózbekstan Kinematografiya agentligi direktorı Shuhrat Rizaevta bir qatar taraw pidayılarına kókirek belgilerin alıp kelgenligin málimlep, óz iyelerinen saltanatlı túrde tapsırdı.
Demek, “Kinematografiya pidayısı” kókirek belgisi menen sıylıqlanġanlar arasınan ayrıqsha húrmet kórsetilip Qaraqalpaqstan Respublikası Joqarġı Keńesi baslıġı Amanbay Tleubaevich Orınbaevqa tapsırıldı.
Tarawdaġı salmaqlı úlesleri ushın Ózbekstan hám Qaraqalpaqstan xalıq artisti Ómirbay Qosımbetov, Qaraqalpaqstanġa xızmet kórsetken artist Roza Piyazova, “Qaraqalpaqfim” MUK direktor orınbasarı Gúlmira Saparova hám kinostudiya xızmetkeri Aysha Sharipovalarda “Kinematografiya pidayısı” kókirek belgisi menen sıylıqlandı.
Álbette bunday itibar hám húrmet qaraqalpaq kino industryasın elede rawajlandırıwġa, jańa filmler túsiriwge ilham-yosh baġıshlaydı.